ព្រះករុណាព្រះបាទនរោត្តម សីហមុនី នឹងយាងសម្ពោធស្ពានហាលប្រាសាទអង្គរវត្តនៅដើមខែវិច្ឆិកា
ស្ពានហាលខាងលិចប្រាសាទអង្គរវត្ត នឹងដាក់សម្ពោធជាផ្លូវការ ក្រោមវត្តមានដ៏ខ្ពង់ខ្ពស់របស់ព្រះករុណា ជាអម្ចាស់ ជីវិតលើត្បូង ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅថ្ងៃទី៤ ខែវិច្ឆិកា ឆ្នាំ២០២៣។ អាជ្ញាធរជាតិអប្សរា បានបញ្ជាក់ថា ដើម្បីគ្រប់គ្រងនូវលំហូរការទស្សនានៅប្រាសាទអង្គរនាឱកាសនោះ ការប្រើប្រាស់ស្ពានហាលខាងលិចដែលទើបជួសជុលរួច ជាច្រកចូលសម្រាប់ការទស្សនា និងបន្តប្រើប្រាស់ស្ពានបណ្ដែតទឹកប្រាសាទអង្គរវត្ត ជាច្រកចេញសម្រាប់ការទស្សនា។ គួរបញ្ជាក់ថា ស្ពានហាលខាងលិចប្រាសាទអង្គរវត្តនេះ ត្រូវបានជួសជុលក្នុងដំណាក់កាលទី២ចាប់តាំងពីឆ្នាំ២០១៦ និងបានបញ្ចប់នៅចុងឆ្នាំ២០២៣នេះ ដែលមានប្រវែងសរុបជិត១០០ម៉ែត្រ។ ដំណាក់កាលទី១ បានជួសជុសប្រវែង១០០ម៉ែត្រ នៅផ្នែកខាងកើត។ គម្រោងនេះ អាជ្ញាធរជាតិអប្សរា…